Gedichte

Reiff, Heinz
I glaub, du gohsch
no menggmol an-is dure,
luegsch usem Chirsbaum,
wo am Chilftbuck stoht.
Villicht bisch du’s,
wenn us dr früsche Fure
dr Bodedampf
dur d Felder goht.

Amend bisch du’s
wo uf dr Früehligsmatte
us sellem Blüemli
heiter uuselacht.
Vilicht bisch du’s,
wenn zwüsche chalte Schatte
e Sunnestrahl
e Schrittli macht.

Isch’s chalt vorus,
un s keit e wyssi Flocke
vom Himmel abe
uf dr Bank am Huus -
tuen-i e Rung
ganz still denebe hocke
un denk für mi:
amend bisch du’s.

Juli 2014