De Bruno Epple het uns e Stiftung mit sinem Name hinterlosse

De Bruno Epple isch de begabteschte un bekannteschte Mundartdichter am Bodese gsi un am 11.Auguscht 2023 mit 92 Johr gschtorbe. Als studierte Germanischt het er e groß geischtigs Potential im Umgang mit unsre Sproch ghet un het e groß literarischs Erbe vo Büecher, Gedicht un Theaterstück hinterlosse. Wegedem het er vieli Uszeichnunge un Priis in sim Lebe kriegt.

Für de Erhalt un d Pfleg vo sinre geliebte alemannische alemannische Mundart het er au ebbis mache welle, un so het er de Muettersproch-Gsellschaft 250.000,- Euro hinterlosse. In sinem Teschtament het er beschtimmt, dass mr unter unserm Dach e Bruno-Epple-Stiftung gründe müesse un au Beispiel gnennt, was gfördert were soll: Eins de vo isch "Unterstützung von Projekten in Schulen und anderen Bildungseinrichtungen zur Förderung der alemannischen Sprache in der nachwachsenden Generation".

De Stiftungsrat setzt sich us Vorstandsmitglieder vo de Muettersproch-Gsellschaft un Privatpersone zsämme un entscheidet über Förderaträg. Bi de hütige Zinse isch de Betrag, wo z Verfügung steht, leider nit groß. Wegedem het de Stiftungsrat bschlosse, des Geld erscht emol für Nochwuchsförderung bi "Mundart in der Schule" z verwende. Wenn de Kapitalmarkt sich wieder emol ändret un meh Zinse fließe, könne au anderi Projekt unterstützt were. Aträg könne deno über igreicht were.