Gedichte

Richter, Werner
Es plättscheret uf s Dächli
dur s Höfli lauft e Bächli
de durstig Bode trinkt.
Dur Sprüng und Spalte dringt
de langersehnti Rege
das langersehnti Naß
und bi de Chellerstege
im Gräbli uf de Gass
stöhn ersti Wasserlache
mit dreckig graue Ränd.
E Blitze und e Chrache,
vom Dunner wackle d Wänd,
de alti Nußbaum schwankt,
- E Mänke faltet d Händ
und - dankt!  

Juli 2013