Gedichte

Richter, Werner
Summer! sträng di nommol aa,
find nommol de Fade,
d Trüübli wänn jetz, dänk doch dra
Sunneschiin uflade.
Soll ä rächte, guete Wii
spööter uf die Trotte,
mueß September-Sunne dri,
no isch öbbis botte.
Soll er glänze im Pokal,
soll er herrlich munde,
bruucht's gar mängge Sunnestrahl
warmi, heit'ri Stunde.
Sim mir nit fast ähnlich dra,
wie ne Stückli Räbe?
mie mir nit grad s'gliichi ha,
Sunneschün im Läbe?

September 2006