Gedichte

Pflaum, Stefan
Aabiszue un ähnedraa,
gumperig un rumpis-stumpis,
düsle, duddle,
gluumse, muttle,
bigoscht schöni Wörter, ja! Schlaudrikauz un Windeweh
Sunnetriibli, Nuggizapfe,
pfupfe, pfuuse
pfüüsle, huuse,
Wörter, wo vergehn, oh je! Kaiweziigs un Basseltang,
guugaagle, gankele,
nägse, chnüble,
gägse, chüble,
was für Wörter; was ä Klang! Aabäckle, dundersnett,
Bode-Rösli, Brusili,
lotze, noddle,
blotze, schottle,
Wörter, wo me kuum meh het! Hampflewiis un handumchehr,
Schnuffelrutsch un Schnurregige,
liisme, schnaige,
liisle, saige,
hit find'sch sonig' Wörter schwer. Gottseibeinis, Hurli-Baus,
lampelierig, naime-duure,
schnaweliere,
schwittisiere,
selli Wörter sin hit "aus"! Ellimol, ananderno,
Fadekrättli, Fürchtibutz,
kample, lupfe,
lample, schupfe -
wo sin unsri Wörter, wo? 

März 2013