Gedichte

Pflaum, Stefan
(aus: Wo isch d Sproch?)

Wenn de so hucksch,
wenn de so doo hucksch,
wenn de eifach so doo hucksch
un ins Läbe nii gucksch,
no kummsch ins Denke!
Deno denksch:
„Warum isch es äso un nit andersch,
warum schlage d Lit d Lit tot?
Warum liide d Lit Not?
Warum glaube d Lit nit an de gliche Gott?
Warum isch s nit äso, wie s doch si sott?
Warum isch es äso un nit andersch?“
Un in Gedanke wandersch
witter un witter.
Kummsch an ke End,
un am End,
wenn de mim Denke am End bisch,
stohsch uf,
stohsch eifach uf,
un losch es wie s isch!


 

September 2007