Gedichte

Pflaum, Stefan
Fessene isch ä Luftkurort,
200 m überem Meer.
S Meer isch wit,
s Meer het ke Angscht vor Fessene.
Berlin isch wit.
Paris sagt: "Fessene schließe mir nit!"
Fessene isch ä Luftkurort.
Fessene? Fessene?
Ah, Fessenheim am Rhein!
An de alte Grenz.
Z Naacht glotzt de réacteur über de Rhin
in ditschi Schloofstube nin,
huckt im dünne Betonmänteli im kalte Mond
und d Ebini, di wit Ebini, sagt nix.
Z Naacht höörsch d Atömli danze,
de Kernkraft-Plattler,
d Atomstrom-Musette,
de Megawatt-Tango.
De Michel, s Mariannel danze,
vive l' Allemagne,
vive la Franze.
Fessene isch ä Luftkurort.
Fessene isch ä elsässisch Wort,
Fessene isch ä sichere Ort - fürs Atom.
In Fessene kann em Atom nix passiere,
in Fessene gehen d Litt spaziere.
Sie sage: "Fessene isch scheen,
mir könne's bi Gott nit verschtehn,
die ditschi Angscht.
Geh'n heim go schloofe.
In Fessene isch nit Fukushima,
in Fessene, do isch alles prima.
Tsunamis hen mir keini do
Erdbebe, die sin anderschtwo,
nit bi uns, nit bi uns, nit bi uns,
do hen mir keini Sorge,
geschtern nit, nit hit, nit morge.
Fessene, do hen ihr unser Wort,
Fessene isch ä Luftkurort.
Der alt' Ofe macht eich nix,
der alt' Ofe bisst nit,
der alt' Ofe strahlt nit,
der alt' Ofe am Rhin sinem Ufer.
Un d Stroße im Dorf,
de Himmel un d Luft,
sin selli suufer.
S Atom stinkt nit,
Radioaktivität stinkt nit,
de warme Rhin stinkt nit.
Warum, deutsche Freunde,
stinkt euch Fessenheim?
Fessene isch doch ä Luftkurort.
Fessene isch zertifiziert,
in Fessene isch nie nix passiert,
in Fessene kann nix passiere,
höre doch uff mit Lamentiere!
In Fessene isch alles prima
Gut,
selli Betonplatt unterem Reakteur,
die isch ä weng dünn,
die könnt ä bizz dicker sii,
me weiß jo nie.
Aber was soll des G'schiss
weggeme Riss im Beton,
wegge 2 Zentimeter,
wegge Erdbebe un so?
S weiß doch ä jeder,
Erdbebe sin allewiil anderschtwo.
Un Kernschmelze
hen mir im Läbe nie,
wo denke ihr hii?!
In Fessene isch nit Fukushima,
in Fessene, do isch alles prima.
Tsunamis hen mir keini do
Erdbebe, die sin anderschtwo,
nit bi uns, nit bi uns, nit bi uns,
do hen mir keini Sorge,
geschtern nit, nit hit, nit morge.
Fessene, do hen ihr unser Wort,
Fessene isch ä Luftkurort.
Mir hen doch unsri ASN,
Atomaufsicht,
was ihr nur wenn!
Die macht ihri Pflicht,
die sagt, s wurd nix
s wurd gar nix abg'schalte,
mir solle s AKW jo b'halte.
Der Rhein wird niemals nicht verseucht,
da wird kein einziges Fischlein verscheucht,
im AKW wird nur Strom bewegt,
drum wird auch niemals stillgelegt.
Mir könne's bi Gott nit verschtoh,
die ditschi Angscht.
Die Sicherheit ist grenzenlos,
sagt der Franzos'.
"Bedenkenlos!", sagt er bedenkenlos.
Nit alli,
aber ebe vieli.
's duuret halt alles allwiil ä Wiili,
bis de Mensch ämol ins Noochdenke kummt,
am beschte, bevor dass de réacteur brummt.
In Fessene isch nit Fukushima,
in Fessene, do isch alles prima.
Tsunamis hen mir keini do
Erdbebe, die sin anderschtwo,
nit bi uns, nit bi uns, nit bi uns,
do hen mir keini Sorge,
geschtern nit, nit hit, nit morge.
Fessene, do hen ihr unser Wort,
Fessene isch ä Luftkurort.
Fessene isch ä Luftkurort,
200 m überem Meer.
S Meer isch wit,
s Meer het ke Angscht vor Fessene.
Berlin isch wit.
Paris sagt: "Fessene schließe mir nit!"
"Geh'n heim go schloofe!",
sage si in Paris un in Fessene.
"Un nemme ejiri Angscht mit", sage si,
"aber vergesse d Geigerzähler nit,
un d Jodtablette", sage si.
"Sicher isch sicher!"
 

März 2012