Gedichte

Meyer, Otto
Git’s im Winter großi Flocke –
un bsunders wenn si liegeblibe,
kenne d Burscht uf d Schlitte hocke,
sich üßergwehnlig d Zit v’rtribe.
Am-e Rainli, noch so klei,
nutzt mr jedes Fläckli;
do isch Lebe un e Gschrei –
gsundi Luft macht roti Bäckli!
Bi uns, do het’s jo scheni Buckel,
do fahrt mr Schlitte ohni Gfohr;
des wisse Großi un aü Zwuckel –
bloß fehlt dr Schnee in mänkem Johr!
So wia friahjer ... – sait mr hit –
wu sin selli Winter?
Niames weißt an was es lit –
kunnt mr noch drhinter?
Bi uns, mr kanns jo ehrlig sage,
do git’s halt meischtens nur e Dreck;
s goht gar nit lang, des isch z’beklage,
no isch dr Schnee scho wieder weg!.

Januar 2006