Gedichte

Heimann-Buß, Christa
Eines, des isch recht un billig:
Us de Schwerter mach e Pflueg!
Wär au Menge no so willig -
isch’s nit jede – isch’s nit gnueg.

Duet bloß einer uf de Erde
wieder zuem e Schwertschmied werde,
füehlt de ander sich bedroht -
neui Ärn erwachst im Tod.

Drum, so sorg du Erdemensch,
daß du di vom Hasse trennsch.
Pfleg de Bode – leg di Saat,
daß Friede wachst in jedem Staat.

Due de Waffewald schnell rode;
suuber soll er si, de Bode -
ohni Gift un Seelenot -
böses Unchrutt, wo nit goht.

Weidli, schärfet d Schar am Pflueg,
ackeret de Bode guet.
Lieb in d Erde un Verstoh
no cha d Menschheit obsi goh.

Erdemensch ha Muet – bi willig,
chämpf du gege Chrieg un Not,
denn de Friede isch nit billig –
aber ummesunscht de Tod.

März 2015

Audio-Datei