Gedichte

Salm, Hedwig
Der Gugguck rüeft – Hesch Geld im Sack?
I ha s – un tue s bitzli schüttle.
Der Vogel in siim graue Frack
loßt an dem Bruuch nit ummedüttle.

Der Gugguck rüeft – Hesch Geld, vil Geld?
I hör s vo noochem un vu witem!
Das tönt bis duß in Flur un Feld –
Ha oder Nit-Ha isch en Item!

Der Gugguck rüeft – Wie lang lebsch noh?
Jetz fang i erst a, richtig z zelle!
Wenn er nit gizti, weer i froh -
Er würd mi doch nit bschummle welle?

Der Vogel schwigt – Do hilft kei Gwalt!
Hätt i nen besser zenzle solle?
Er isch verschwunde tief im Wald,
im grüene Wald, im gheimnisvolle …

April 2014