Gedichte

Salm, Hedwig
(aus: Erlebter Hochschwarzwald)

Winterwald, du wisse Chilche,
herzhaft saisch du mir Gottwilche,
wenn i dur di dure gang!
Vor de Zwiige, ramftvoll schwere,
wie vor Chanzle un Altäre,
gits e Fiir vo hochem Rang.

Wie mit Silben ohnigliiche
tuets mer über d Seele striiche
as e wohre Himmelstrost!
Was der Blick nit cha durluege,
schlupft wie Schnee dur fiinstie Fuege -
S frogt si, wie me luegt un loost.

In der Zit, der lute, chranke,
isch der Gob vo obe z' danke,
wenn s eim so in d Stille füehrt:
S würd e Werbe un e Locke,
aß me s Herz nit sott veerstocke
worem WORT, wenn s eim a'rüehrt!

Januar 2010