Gedichte

Brunner, Hans
Dr Peter un si Hund, dr Fips,
sin mitenand zuem Metzger Grips.
Dä freut sich un er frogt au gli:
“Peter, was soll s hüt den si?”

“I hätt gern e Schwiinebrote -
un no möcht i di grad froge -
hesch mr Wienerli für d Frau,
ihrem Mage gohts hüt flau.”

Wo dr Metzger s Messer wetzt -
s Hündli no me Würstli lechzt.
Scho macht schwupp dr schlaui Fips -
un rennt furt, flink wie e Blitz.

Im Muul het er e Schwartemage. -
Niidig duet dr Metzger sage:
“Schaff mr her das guete Stuck!
Pfiff sofort di Hund jetzt zruck!”

Dr Peter lacht un sait derzue:
“Loß mi do demit in Rueh!
Zue dir chönnt ich jetze sage -
pfiff du dinem Schwartemage!”

März 2000