Startseite zum Kontaktformular Telefon zum Menü
Mitglied were

Gedichte

Beerdigung

Kromer, Lina
Si chömme vo all Site,
eis chunnt us jedem Hus.
Stirbt eis im Dorf, so goht me halt -
öb rich, öb arm, öb jung, öb alt,
un gitem 's Gleit durus.

Alli Glocke lütte,
dumpf schlecht die großi dri.
Es buscht ne Wind dr Bahrtuechsaum,
d Chränz rusche ufem Dodebaum:
wie churz isch 's Lebe gsi!

Zuem Chilchhof füehre d Gasse
un goht die schönsti Stroß.
Au d Chinder, die wie Storeflug
strichen ume Lichezug -
au die trifft alli 's Los.

's isch ain vo viele gange,
wie vorher isch 's ungfähr:
d Sunne schiint, dr Rege rinnt,
d Birche ruscht im Oberwind,
doch aim si Platz isch leer.

April 2015

Audio-Datei


Download MP3: Gedicht zum Loose (links obe uf s Dreieck drucke!)


Impressum Datenschutz