Gedichte

Ohm, Werner
Es hän sich ame Nomiddag
e baar Kollege troffe
un hän mitnander Schlag uf Schlag
drufane einer gsoffe. 

Un zobe sin si au nit heim
zue ihre Fraue esse;
in some Fall bassirt das eim;
do cha me das vergesse. 

Spot in dr Nacht erscht fallt s ’ne i,
sich uf de Heimweg z mache.
Ein sait: „I wott e Müsli sii!“ –
Die andere mien lache. 
Si froge-n-en, die liebe Lüt,
wie s mit em Müsli gmeint sig. –
Är sait: „Mi Frau förcht sich vor nüt,
do isch e Müsli s einzig!“

September 2002