Gedichte

Putzfimmel

Schmidt, Relinda
D Frau Suubermaa isch gsi scho immer
e vrruckchtis Frauezimmer.
De ganz Dag hät si s Putze im Chopf.
Im Grund gno isch s e arme Tropf.

Si bruucht zweu Fraue no zum Schaffe,
für d Wösch und no zum Suubermache.
Und sälber duet si umebuggle,
e Schteubli isch e Chegelchugle.

I ihrnem zweu Personehuushalt,
demm Maa es dört scho lang nümm gfallt.
Er zieht halt Fäde, wenn s nur goht,
und chunnt deno heim meischtens ganz schpoht.

Do goht s zue, s isch nümm normal;
So e Putzfimmel wird de Mänsche zur Qual!

Juni 2002