Startseite zum Kontaktformular zum Menü

Mundart in der Schule

Alle Infos zu unserem alemannisch- schwäbischen Angebot für Schulen

Aktuelles

"Lahrer Murre 2021"
D Stadt Lahr schriibt e neje Mundart-Literaturwettbewerb us.mehr Infos
VAG Quiz Alemannisch
Freiburger Verkehrs-AG fährt auf Alemannisch abmehr Infos
9. Landschreiber-Wettbewerb 2021
Gesucht: Autorinnen und Autoren, die sprachspielerisch, sprachkritisch, satirisch, phantastisch, reflexiv oder einfach deskriptiv zum Thema Sprache schreiben wollen.mehr Infos


Des gfallt mir Alemannische Wörter

Impressum | Datenschutz

Regionalgruppe: Offeburg

Mitglieder: 115

Gründung 1981. 1. Gruppeleiter Jochen Guttenberg. Ab 1998 Rudi Junker. 2001 Helmut Heizmann. Ab April 2012 Margot Müller.

Sither isch ä lebhafti Gruppeärwet geleistet wore. s 25-Jährige im September 2006 in Fessenbach. Dodezue isch s Heftli 3/4 2006 vun "Alemannisch dunkt üs guet" zum Thema Offeburg ruskumme.

2008 hett sich die ehemalig Grupp „Abbewihr“ freiwillig uns agschlosse. Die isch am 22.10.1978 vum Dr. Günther Maier gründet wore.
Ab 1994 war d Oskar Ernst Gruppeleiter. Di Abbewihrer Interesse sin bis August 2018 vertrette wore vum Georg Lechleiter
Mittlerwil unterstützt uns die Regine Haas, wu immer sie kann in de Abbewihrer Angelegeheite.

29. April 2011 s 30-jährige Jubiläum im Keller vun dr Althistorische Narrezunft in OG mit tollem Programm vun eigene Künstler Grupp OG.

18. November 2011 in dr Stadthall vun Gengebach ä gmeinsamer Owe "Worum nit Alemannisch?" mit d´ Offeburger Grupp´, Kinzig-, Wolf- un Gutachtal, sowie "Rund um de Kahleberg". Vortragskünschtler: Moderation Wolfgang Mießmer, Helmut Heizmann, Margot Müller, Brigitte Neidig, Martin Winterhalter, Wendelinus Wurth, Musik: Duo "Goschehobel".
Über 200 Zuhörer hän zeigt, dass d alemannisch Mundart lebt!

Am 17.11.2012 MA-Schülervorlesewettbewerb in de Offeburger Stadtbibliothek. 14 Schüler hän Alemannisch vortrage un Spaß debie ghet. Die Preisträger sin zum SWR in Freiburg iiglade wore.

18.April 2015 isch die Grupp Offeburg Gastgeber gsi vun dä Mitgliederhauptversammlung in der Ortenberger Schloßberghalle. Schu vormittags het sich unseri Grupp spendabel zeigt un die vieli Gäscht iiglade, zu Stadtführunge im Kinzigtalstädtli Gengenbach, Führung uf em Schloß Ortenberg, s Wahrzeiche in der Ortenau, sowie im Fastnachts-Marionetten-Museum vun unsrem Mitglied Peter Scharte. Noch em Mittagesse het d Versammlung stattgfunde, mit 220 Mitglieder. Bim herrliche Frühlingswetter. ´s isch ä gelungeni Sach gsi.

Jedes Johr im Herbst veranstalte mir ä großer Mundart-Owe mit bekannte Autoren un Musiker us de Region. Do isch jedesmol de Saal voll!
Am 31.Oktober 2015 im Burgundersaal in OG-Zell-Weierbach mit Otmar Schnurr als Bruddler un als Musikant de Wolfgang Mießmer. Des isch unser Beitrag gsi zum 50. Jubiläum vun de gesamte MSG.

Am 22. Oktober 2016, hän mir Offeburger de 35. Geburtstag gfiert mit dem legendäre "Rindfleischquintett" us em Elztal, mit Wirtshuusmusik. S Publikum het getobt vor Pläsier. Sonigi MA-Obende bringe uns immer neui Mitglieder.

Wer uns kennelehre will isch gern gsehne an jedem erschde Mittwoch im Munet, bim Mitgliedertreffe in dr "Brandeck" in Offeburg, Zeller Stroß 44. (Wenn´s mol usfallt bitte ins Internet luege vun de MSG!)

Ab 19 Uhr kammer vespere, ab 20 Uhr trage d Mitglieder aktiv ebbs zum Programm bei, sei s us dr eigene Feder oder vun bekannte Autore. Motto: "Wer will un kann, der derf ...ebbs vortrage" Do wurd au g´sunge un musiziert. Gäste derfe gern riischnuppere - un mitmache!!! Es gitt au mol Filmvorführunge zum Thema Mundart, oder Künstler wu mir iilade.
Ab un zu kummt Bsuech us Stroßburg zu uns, was uns bsunders freit. Dann wurd mitnander musiziert un gsunge.

Wil mr mit de Zitt giihn, verschicke mir per E-Mail an unseri Mitglieder alle zwei Woche s Internetblättli " De Alemanne-Bott" mit Termine un mit Info´s, was mir so triebe.
Sidder 2020 isch unseri Schriftführerin Uli Mast verantwortlich, in Kooperation mit de Margot Müller.

Aber des isch nit alles an Aktivitäte:

Einigi vun unsere Mitglieder mache regelmäßig in de Region Lesunge bi allerlei Veranstalter. Z.B. Autorennetzwerk Ortenau/Elsaß, oder z.B.: in Mediatheke Offenburg, Oberkirch, Lahr, Achern, un werbe somit für d Mundart.
Au d Stadt Offeburg het mittlerwil d Qualität vun unserer Mundart schätze glehrt; drum wirke alle zwei Johr im September unseri Autor/inn/e mit bim Freiheitsfest, im Salmen.
2018 sin mir mit unseren Sächeli-un Werbestand vor em Salmen gstande, was viel Resonanz brocht het. Au de 100. Geburtstag vum Mundartdichter Rudolf Vallendor hän mir angemesse zelebriert im Salmen.
Do debie finde sich immer widder Sympathisante, wu gern Mitglied were bi uns.

Für d Zukunft hoffe mir, dass d Muettersproch nit untergeht! Mit vielerlei Aktione welle mir defür werbe...un widderscht mache. Bsunders were mir debie vun de Mittelbadische Presse im OT unterstützt, wu gern über uns berichtet.
Denn: Mundart isch widder in - (fascht) aller Munde!

Mit großer Bestürzung hän mir am 25.August 2018 vum plötzliche Tod erfahre vun unserem langjährige Schriftführer Georg Lechleiter! 40 Johr lang isch er aktives Mitglied in de Grupp Abbewihr gsi, un sit 2008 im Vorstand bi uns.
Mir were de Georg in Zukunft arg vermisse, als treuer un zuverlässiger Vereinskamerad.

Ihm zu Ehre isch am 13.10.2018 bi me Mundart-Owe in Abbewihr an d Gründung vor 40-Johr erinnert wore, so wie ne de Georg Lechleiter noch mit viel Herzblut vorbereitet kha het.

Sit em 11.April 2018 gitt´s ä neuer Vorstand, wu mit Schwung au in Zukunft s Alemannisch verteidigt.

Zum Vorstand ghere:
Vorsitz u. Gruppenleiterin: Margot Müller; Kasse: Monika Röschmann; Schriftführerin: Ulrike Mast; Beisitzer: Georg Braunstein; Birgit Dudek, Ursula Graf, un d Regine Haas, wu sich bsunders um d Abbewihrer Mitglieder kümmere will.

Mir freue uns uf ä lebhafti Vereinsarbeit.

Wege de CORONA-KRISE 2020 kinne mir derzitt keini Treffe veranstalte. Aber - mit em elektronische E-Mail-Blättli versende mir
jedi Woch Kurznochrichte un luschtigi Sächele zum Ufmuntere. Grad für älteri Mitglieder zeigt des, Ihr sin nit vergesse!

Mir alli hoffe mr, dass es im neue Johr 2021 bal widder besser wurd, alli gsund bliebe un mir unseri Munetstreffe widder in de "Brandeck" durchführe kinne!

(M.Müller)


Kontakt

Margot Müller
Margot Müller
Im Schwarzwäldele 8
77654 Offenburg-Fessenbach
Telefon: 0781/31190
eMail:

Nejigkeite

Veranstaltungen

 
Mai 2021
Sa, 29.05.2021 - Mi, 30.06.2021
19.30
Muettersproch-Veranstaltunge
OG Corona los - wär famos
Liebe Mitglieder,

einige sind schon geimpft, andere warten noch darauf, aber alle sind gespannt, wann es wieder losgehen kann, ganz sorgenlos

mit schönen Begegnungen in unserem Stammlokal "Brandeck".

Mir darbe noch ä Wiili, un sähne in de Fantasie schun ä mol:

Ä frisch zapft´s Bier unter de Keschtebaim! De stramme Max! D´ mords Schnitzeli mit Pommes!
De Wurschtsalat mit Brägele, oder de deftig Flammekueche - Hmh!

Aber, unseri Autore spitze schu de Griffel...so schnell gänn mir nit uf!

Un: Mir losse de Brägel nit a-brenne!

Bis dert hin wünscht d Gruppeleiterin M.Müller ä guet Zitt, bliebe gsund un -

läse halt ufmerksam "de Alemanne-Bott" !!!


Mitglied werden

Nu nit debii? Dann aber flott! Jetzt mitmache und Mitglied were! So findsch uns
mehr Infos

So findsch uns

Muettersproch-
Gsellschaft
Hansjakobstr. 12
79117 Freiburg
eMail

Immer debii

un uffem laufende!
Abonnier unser
Infoposcht
Nejigkeitebriäfli