Gedichte

Raupp, Otto
I lig im Bett un - bi -verwacht!
I denk an alles, denk - an - d Nacht.
Isch s ächterscht früeh? Isch s scho spot?
Kei Mensch um de Weg, wo öbbis sait.
Kei Uhr schlät, kei Guller krait,
kei Geißle klepft, kei Wage fahrt.
Isch des e wunderlichi Art!
Un wi s doch scho so heiter wird!
Isch d Welt verhext? Isch d Zit verirrt?
Herschaft, het s gschneit amend? I wett!
An s Fenschter denn. Un richtig - s het!

S isch alles wiß, s isch alles zue.
D lit mendeschtens e halbe Schueh.
Me sieht kei einzige Stroßestei
W d Storche lupfe d Manne d Bei.
Un Stolle git s! Luege numme, lueg.
Un allewil het s no nit gnueg
Das bschießt, das battet, das git s uus!
Si chömm ekum no usem Hus.
S verweiht vo früschem jedi Spur.
Un s schneit un schneit in einre Tour.

Jetz wird s mr doch efange z kalt.
Un will s mi friert, se gang i halt
un leg mi eifach nonemol.
Aah - isch s im Bett eim doch so wohl.
Wenn s dusse gfriert un witer schneit,
un ganzi Hüffe anekeit,
soll i do ufstoh? Um kei Geld!
I glaub schiergar, e Schlitte schellt!
Miintwege! Fahr du numme zue.
I ha bi euch nit Wichtigs z tue.
Un s git kei Tadel un kei Strof,
wenn i - ne - wenig - witer - schlof.

https://www.kultur-mundingen.de/strassen/otto-raup p-strasse/

Dezember 2024