Gedichte

Josef Reinhart
1.
D' Zit isch do! D' Zit isch do!
Singt's uf em Nußbaum scho, gugu!
D' Zit isch do! D' Zit isch do,
singt's uf em Nußbaum scho.
's sitzt uf em Schlehdornhag,
singt, was es singe mag,
|:'s isch Maiedag!:|

2.
Chumm un lueg, chumm un lueg,
s' Veigeli hätt d' Aigli uff,
Chumm un lueg, chumm un lueg,
s' Veigeli isch do!
's luegt so verschtunet dri,
ringsum isch Sunneschi,
|:'s isch Maiedag!:|

3.
Chumm un lueg, chumm un lueg,
loos', wie's Bächli ruusche duet:
"'s Truurigsi isch vorbi!"
Sait's un ruuschet zu.
Ruuschet un hett kei Ruh,
's ruuschet dem Himmel zu,
|:'s isch Maiedag!:|

4.
D' Zit isch do! D' Zit isch do!
Singt's uf em Nußbaum scho, gugu!
D' Zit isch do! D' Zit isch do,
singt's uf em Nußbaum scho.
's sitzt uf em Schlehdornhag,
singt, was es singe mag,
|:'s isch Maiedag!:|

Text: Str. 1 Josef Reinhart (1875–1957), Str. 2 und 3 Gustav Wirsching

Mai 2023