Startseite zum Kontaktformular Telefon zum Menü
Mitglied were

Gedichte

obend mit goldrand

Kathrin Ruesch
frisch gwäsche vum räge
sin dini
samtbruune auge
e tummelplatz für summervögel

umküsst
vu strandhelle lippe
lähnt sich mi herz
an dins

um uns umme
zirbe zikade
schwirre schwalbe
fladdere falder
- einer devu vadailt e hampfle voll wind

d mondlaterne
überem piniewald
stoibt licht uff de atlantik

mir hänge unsri tschöble
ans mondkini
wer isch zerscht
bi de erschte bohje?

schloofendi fischerbootle aastupfend
bahne unseri schwimmzüg
zärtlichi schneise
in die schauklendi bucht

obend mit goldrand

zwische stupfligem dünegras
dräumt mi sandwarmes herz
vu blehjende glyzinie
iibedded
in di sternehimmel us moos

März 2022


Impressum Datenschutz