Startseite zum Kontaktformular Telefon zum Menü
Mitglied were

Gedichte

Warum s Roseli kei Mann nimmt

Nitz, Bertin
„Es isch en alt bikannti Gschicht“,
Sait s Roseli am Disch,
„Daß jedes Maidli hüre möchte,
Wenns kaum nünzehni isch.“
„So dumm“, saits druff, „bin i no nit,
Ich biß bigold nit a,
Kasch jo bal nemma, wer de witt,
Er wird en Fehler ha!“
„Dr Oskar ische en Hufe z groß,
Dr Edwin isch mer z klei,
Dr Brosi het drei Finger bloß,
Dr Otto krummi Bei.
Dr Moler-Pauli isch mer z jung,
Dr Kunschter isch mer z alt,
Dr Mattis het s Dilirium,
Dr Babischt isch mer z kalt.
Dr Urbe isch en Bettelbua,
Dr Franzsepp het kei Schick,
Dr Ludwig het kei ganze Schuah,
Dr Guschtav isch mer z dick.
Dr Theodor het e krummi Näs,
Dr Beckeheiner zwickt,
Dr Ferdi stinkt no Bachsteikäs,
Dr Murersepple schickt.
Dr Sales het en herte Kopf,
Dr Alfrid isch mer z frumm,
Dr Plazi het en große Kropf,
Dr Ronny isch mer z dumm,
Dr Reinhard het kei Kuah im Stal,
Dr Fritz kei Stückli Feld,
Dr Lambert het im Spiel kei Fal,
Dr Juli bhält kei Geld.
Dr Schninderkarli gucket süeß,
Dr Lehnhard het en Klapps,
Dr Augusti het krummi Füeß,
Dr Oswald suft gern Schnaps.
Dr Toni isch mer viel z verruckt,
Dr Adolf isch mer z guet,
Dr Kili fluecht bis alles zuckt,
Dr Emil kriegt e Wuet.
Dr Wendel het e Bückeli,
Dr Gipser-Hansjörg schielt,
Dr Albi isch e Gigerli,
Dr Wage-Richter stiehlt.
Dr Sever het e Luckebiß,
Dr Fabi mag kei Kind,
Dr Isidori macht gern Riß,
Dr Färber-Nazi spinnt.
Dr Andres isch en Luftribus
Dr Ernst sieht d Maidli z gern,
Dr Zölesti kei Pfiffikus,
Dr Max isch nit modern.
Dr Schwefel-Bruno isch mer z ful,
Dr Hermann isch e Biascht,
Dr Landel het e saugroß Mul,
Dr Bertin isch mer z wüest.“
Au nit en einzige isch nett,
Drum sag i was i sag:
„Will jeder Bursch en Fehler het,
Blib i ledig minr Lebdag.“

Aus dem Buch „Schneeglöckli usem Schwarzwald“

Juli 2017


Impressum Datenschutz