Gedichte

Wagner, Günter
S isch alles, mein i anderschd cho.
Wo sin die große Plän?
E Wind hed die in d Färni gno.
Kei Elsa chunnd mid Schwän.

Wo isch das schdürmisch Buebehärz?
Wo sälle freudig Sinn?
Bilanz lidd do. - E schwere Bärz.
I suech nidd no me Gwinn.

Mi Läbe hed mi usebäudschd
in Näbel, Meer un Schdurm.
Au d Sunne hed mi Sii verdäuschd.
I bliib e chleine Wurm.

As Köder bi i grad no rächd
im noble Wäldvercher.
Bi hald do drin e chliine Chnächd,
un d Ruede schwingd dr Heer.

Grad sälle, wo mi frässe sodd
us Gier un geilem Neid,
lidd in dr Pfanne bal mid Schbodd
im schön garnierde Chleid.

As Chliine hesch e schwere Schdand.
Du bruuchsch zwei gsundi Füeß.
Di Brod verdiensch mid ruucher Hand.
Doch s Los as Chrischd heißd, - büeß.

So lueg i zruck, i Ärde-Mensch,
uff mini große Plän.
I schaff, - daß s Bös vom Läbe drännsch.
Suschd warde schwarzi Kähn.

Mai 2017