Gedichte

Epple, Bruno
Schwär hon i z ackere
i minere Sprooch

hert isch de Bode
voll Steiner und Lätt

kon Duft bricht en uf
kon Dau i de Naacht
wonen lind macht

waner treet
serblet und
liit wenn en Luft goot
im Arge

aber dinne
im Dunkle dief
i monn: doo
ischt no e Läbe

en Grund
wo it uusgnergelet ischt
it vebrennt

i moss z ackere goo
i moss
au wenns nu oo Strophe ischt
woni schaff

oomool
so hoff i
treet min Bode min aalte
so arg vehunzete Bode
wider e Frucht.

September 2016