Gedichte

Rolf Lorenz
Unreligiös, ungläubig, iich?
He, jo, des ka‘mer sage.
De Glaube loss ich andere
Und au s do drüber Klage.

Ich dräum‘ mi nit ins Himmelriich,
Bi bodeschdändig doo.
Ich sag euch, was ich mein und dänk –
Ihr könnt Euch druff verloh.

Wänn si dir hilft, di Religion,
Um’s Beschde us dir z’hole,
Dann nimm si a, mach’s Bessris druss –
Schdatt anderi zue versohle.

Religion isch guet für sälli
Die andri reschbekdiere
Und nit vor lutter Eiferei
De Nögschde massagriere.

Ich hilf dir, gliich, an wen du glaubsch!
Loss du mir au mi Läbe!
Und wänn du dich am Wasser freusch,
Schlürf ich de Saft fu Räbe.

Du hesch e Turban, ich a Cap.
Durch unser Herz lauft Bluet.
Am Fernseh lauft e tolle Kick;
Mir finde’s beidi guet.

Ich loss dir diins, du losch mir miins.
Mir zwoi dien is nit weh –
Wertschätze d’Chultur fum andere –
Des lö ‘mer is nit neh.

Mir alle atme Suerschdoff,
Mir lache und mir schnuufe.
Di Hut isch bruun und mini wiß;
Kum her, ich hilf dir uufe!


11.11.2015, nach Paris

Dezember 2015