Gedichte

Rolf Ketterer
Es git e Schpruch, vier Wort - nit meh,
e wundervoll Konzept.
Das det is alli Sorge neh,
wenn jede drnoch läbt.

Mit Machtgier, Habgier, Imagedänke
hets d' Mänschheit so wit brocht,
daß si ihr' Jungend nümm cha länke
und daß 's bi dene chocht.

Mueß villicht no ein g'chrüzigt werde
wie vor zweidausig Johr,
bis icheert e Vernumpft uff Ärde.
Es chunnt eim fascht so vor.

's mueß eifach jetzemol verschwinde
das Sprichwort - Geld regiert die Welt -
's mueß jede zue sich selber finde
und zuem Nöchschte - nur das zellt.

Es bruucht kei Gäld, keini Millione,
kei Panzer un kei Champfflugzüg.
Dient immer dä Schpruch wiederhole:
Machet Liebi, nit Chrieg ihr Lüt.
 

Februar 2011