Gedichte

Scheurer, Wolfgang
(aus: Sunnestrahl)

Sit am froehje Sunndigmorge
Hängt dr Rege wien e Wand.
Lueg: Dört ene chroble d Sorge
Us de Ecke, gen sich d Hand;

Finde sich zuem erste Reige,
Wo in trüebe Tag dri zieht;
Un si singe, gar so eige,
Mitenander ihre Lied.

Immer enger wird des Tanze,
Wo si um mi umme düen;
Weger! Die hen schint s e ganze
Sack voll Zil, wo s ane müen.

Jetz vrwütsche si mi Denke,
wo no halber frei spazirt,
Un wenn s in e Ecke ränke:
Pass bloß uf; s isch gli passirt.

Zmitz dir ine in dä Trubel,
Wo sich um mi zsemmezieht,
Platzt dr Amsle ihre Jubel,
Ihre freudig Sunndigslied.

D Auge sueche in dem Schleier,
Wo vom Rege abehängt,
D Amsle uf em Baum. Un freier
Wird mr s Herz, vom Lied vrschenkt.

Sag, was het die Amsle gwunne,
Daß si son e Liedli singt?
Niene zrings e bitzli Sunne,
wo dur d Regewulche dringt!

Aber s Liecht im Vogelherze,
D Freud am Lebe: Dank dr, Gott!
Soll i große Mensch go bärze,
Numme, wil s hüt regne wott!?

Juli 2008