Gedichte

Zapf-Beydeck, Helene
(aus: Feldblueme)

Zwei Sterne stöhn am Himmel
In ihrem güldene Schy
Und lüchte still uf d' Erde. -
Was chönnt echt schöner sy?

Zwei Rose glüehn im Garte
So goldig wie der Wy
Und trage Silber-Perle. -
Was chönnt echt schöner sy?

Zwei Wulche ziehn im Blaue,
Hoch über Berg und Rhy
Uf d' Wander-Fahrt in d' Witti. -
Was chönnt echt schöner sy?

Zwei Mensche göhn selbander
Im Lebes-Obe-Schy
In Liebi, Treu' und Glaube. -
Und nüt cha schöner sy!

April 2007