Gedichte

Füsslin, Walter
Mi Liebschts isch mi Frau!
Ihr’ lieblichi Gstalt
mit Auge blitzblau,
no jung, nonig alt
trotz mannbare Chinder
un Arbet un Müeih
im Summer un Winter –
I find halt, si blüeih!

Bim Wibe muesch Glück ha,
ne gsegneti Hand.
Bim Wähle muesch Gschick ha
un Herz un Verstand!
D Famili muesch wäge
un luege, öbs stimmt.
Im Hus lit der Sege:
Me prüeft, was me nimmt!

Si stammt us em Brisgau,
vum Chaiserstuehl her,
mi Schatz un mi Husfrau!
I wott jetz, i wär
däheim in der Wiehri
un hätt si im Arm,
dno gäbs kei so Gfrieri,
hätt wärmer as warm!

Mai 2003