Startseite zum Kontaktformular Telefon zum Menü
Mitglied were

Gedichte

Zeiche setze . . .

Loy, Mariele
Asphalt, Beton, Pflasterstei,
Teer in jedre Ritze
Un do sieh n i heidenai,
e geele Daische blitze.

Autogstank un Uuspuffgas,
Krach un Lärm un Hitz,
des isch kei Platz für Grien un Gras,
do wachst wirkli nix.

Un doch hät do en Löbezahn
en Spalt zum Kieme gfunde.
Un jetzt blüeht er, s isch en Wahn
an helle Sunnestunde.

Für wen, für was tuet er so strahle?
S luegt jo niemer hi!
Villicht will er an dere kahle
Stross en kleine Liechtblick sii.

Will zeige, daß, wu s trostlos isch,
sich s lohnt e Zeiche setze.
Villicht Du
zmols de Liechtblick bisch,
fang a demit, nit morn, glii, jetze!

April 2001

Mehr Gedichte von Loy, Mariele



Impressum Datenschutz