Startseite zum Kontaktformular Telefon zum Menü
Mitglied were

Unseri Ziele

Unser Engagement kunnt vum Gfüehl her. Aber s isch au mit em Verstand zu begründe. Ganz eifach un schlicht. Un do sin die fümf guete Gründ für unsri alemannischi Sproch:

S ALEMANNISCH isch en alt Kulturguet vu unsre Heimet. S lebt no un s isch es wert, aß mers erhalte. Weil s es Lebe riicher macht. Me sotte s Alemannisch vum J.P.Hebel halt au no in 100 Johre verstoh.

S ALEMANNISCH isch e Stuck Heimet. Wer emol furt gsi isch vu deheim, der lacht nimmi über sell Wort "Heimet". Wer emol furt gsi isch vu deheim, der weiß, wie der Klang vu de Heimetsproch an s Herz goht. Heimet isch nit numme Wald un Feld, Berg un Tal, Stadt un Dorf. S isch au Mensche mit ere eigene Sproch; unsre Sproch. Wer eso e Heimet het, isch guet dra.

S ALEMANNISCH isch persönlich. S hilft uns, in de Masse unsri Persönlichkeit wahre. Individualischte sin selli, wo s Alemannische schwätze, bewußt oder unbewußt. Un sie hen e eigini, bsunderi Sproch für de privat, nett, persönlich Bereich. Für Fründschaft un Liebi, nit jeder het eso e Sproch.

S ALEMANNISCH isch sozial. S verbindet. S isch e gemeinsami Ebeni, au wenn der ein e "hoche" un der ander e "normale" Mitmensch isch. Wemmir alemannisch mitenander schwätze, derno gilt für uns der Mensch, nit s Amt. S isch e guets Zeiche, aß grad in eso viel Ämter unser Kläberli hängt "BI UNS CHA ME AU ALEMANNISCH SCHWÄTZE". S isch e Iladig zum Menschsii mitenander.

S ALEMANNISCH isch nit numme e Bruck zum andere Mensch. S isch au e Bruck zu andere Natione. S isch e Band ums Elsiß, die dütschsprochig Schwyz, Vorarlberg un e Teil vum badische Land. Do sin d Alemanne deheim; international, modern, europäisch. Ufgschlosse für anderi, aber au miteme gsunde Selbstbewußtsi.
 
Jetzt hen mirs Alemannischi abote wie e War, wie e Bündeli Perterli uf em Wochemärt. Aber alli unsri Argument, all sell appelliere an der Verstand hilft nit, wemmers Wichtigsti vergesse: S Alemannisch isch eifach d Sproch, wo us em Herze kunnt un zuem Herze goht. S isch menschlich. Drum bruche mir s Alemannisch, grad in unsre Zit.
Impressum Datenschutz