Startseite zum Kontaktformular Telefon zum Menü
Mitglied were

Gedichte

E Liebi blybt

Preusch-Müller, Ida
S isch gsi, wie wenn e Saite springt,
e Huuch verwaiht, e Ton verklingt.
E weltverwundet Herz stoht still,
e müedi Seel in Fride will.

Dy letschte Blick isch wyt - scho wyt,
dy chalti Hand in myner lit.
i bhalt dy Wort im Herzen inn:
"Gell, aß mer bynenander sin --"

Im Schmerze löscht e Leben us,
e Mensch goht us em stille Huus.
E Liib verwest, e Blueme trybt,
e Herz trait schwer, e Liebi blybt.

(Meinem Mann, gestorben 1953)

März 2010


Impressum Datenschutz